اسلام آباد(مانیٹرنگ ڈیسک) دہشتگردانہ کارروائیوں کو خود کش دھماکوں سے پاکستان کا امن و امان تباہ و برباد کر دینے والی تنظیم جماعت الاحرار نے گزشتہ چند دنوں سے ’’آپریشن غازی‘‘ کے تحت خود کش حملوں کا سلسلہ شروع کیا ہوا ہے۔ اس سلسلے میں دہشتگرد تنظیم جماعت الاحرار نے با ضابطہ وڈیو جاری کیا ہے جس میں اعلان کیا گیا ہے ہم نے اپنے نئے ’’آپریشن غازی‘‘ کا نام لال

مسجد کے ہلاک ہونے والے ’غازی عبد الرشید‘ کی مناسبت سے رکھا ہے۔ جماعت الاحرار کے دہشت گردوں نے آپریشن غازی میں اسمبلیوں ، سیکیورٹی فورسز، عدلیہ ، وکلاء، مالی لین دین کے ادارے، بلاگرز، میڈیاہاؤسز، امن لشکراور تعلیمی اداروں کو نشانہ بنانے کا اعلان کیا ہے ۔واضح رہے کہ آج چارسدہ میں ہونے والے خود کش دھماکوں کی ذمہ داری بھی جماعت الاحرار نے قبول کر لی ہے۔