اسلام آباد (این این آئی)محکمہ موسمیات نے کہا ہے کہ آئندہ 24گھنٹوں کے دوران ملک کے بیشتر علاقوں میں موسم خشک رہے گا تاہم گلگت بلتستان، کشمیر اور ملحقہ پہاڑی علاقوں میں چند مقامات پر بارش اور پہاڑوں پر ہلکی برف باری کا امکان ہے۔ محکمہ موسمیات کے مطابق گزشتہ 24 گھنٹوں کے دوران کشمیر، گلگت بلتستان، مالاکنڈ، ہزارہ، پشاور ڈویژن میں کہیں کہیں جبکہ راولپنڈی، گوجرانوالہ، لاہور، سروگودھا،

کوئٹہ ڈویژن اور اسلام آباد میں چند مقامات پر بارش اور پہاڑوں پر برفباری ہوئی اور ملک کے دیگر علاقوں میں موسم خشک رہا ۔ گزشتہ 24 گھنٹوں کے دوران مالم جبہ میں 46 ملی میٹر ، دیر36، پٹن34، کالام31، پاراچنار20، بالاکوٹ19، سیدوشریف13، ایبٹ آباد09، لوئر دیر07، چراٹ04، دروش، پشاور03، میرکھانی، چترال02، رسالپور ایک، مظفرآباد08، گڑھی دوپٹہ07، راولاکوٹ04، مری04، کامرہ ایک، کوئٹہ10، استور، سکردو اور چلاس میں 02 ملی میٹر بارش ریکارڈ کی گئی۔ پیر کو ملک میں سب سے کم درجہ حرارت کوئٹہ اور کالام میں منفی02 ڈگری سینٹی گریڈ ریکارڈ کیا گیا ۔