لاہور(آئی این پی) پیپلزپارٹی کے سینیٹر چوہدری اعتزاز احسن نے کہا ہے کہ پانامہ کیس میں نوازشر یف پکڑ ے جاچکے ہیں اب فیصلہ آنا باقی ہے ‘آئین وقانون کے مطابق وزیر اعظم اور انکے بچے کسی بھی صورت بچتے نظر نہیں آتے مگر حتمی فیصلہ سپر یم کورٹ ہی ہوگا دیکھتے ہیں وہ کیا فیصلہ کرتے ہیں ۔ اتوار کے روز گفتگو کرتے ہوئے چوہدری اعتزاز احسن نے کہا کہ
پانامہ کیس اب فیصلے کن مر حلے میں داخل ہو چکا ہے اور اگر اب تک کے معاملات کا جائزہ لیا جائے تو نوازشر یف اور انکے بچے اس معاملے سے بچ نہیں سکیں گے ۔ انہوں نے کہا کہ پانامہ کیس میں نوازشر یف اور انکے بچوں کی روز روز کی نئی باتیں ہی انکے خلاف ثبوت کے طور پر کافی ہیں لیکن دیکھتے ہیں عدالت اب کیا فیصلہ دیتی ہے ۔
