لاہور(آئی این پی)وزیر اعلیٰ محمد شہباز شریف کی ہدایت پر صحت مند پنجاب پروگرام کی کامیابی کے لیے پنجاب فوٖڈ اتھارٹی کی ٹیموں نے مختلف شہروں میں ہسپتالوں کی کینٹینوں کی چیکنگ کی۔لاہور کی ٹیموں نے کاورائی کرتے ہوئے جیل روڈ پر واقع پنجاب کارڈیالوجی ہسپتال کینٹین کو کھلی گندی نالیوں، گندے پنکھوں،کھلے کوڑا دانوں اور کھانے پینے کی اشیاء کو اخبار میں کور کرنے کی وجہ سے 5ہزار روپے جرمانہ، فاطمہ میموریل ہسپتال کے کیفے ٹیریا کو5ہزار روپے جرمانہ، منصورہ ہسپتال کو 6500، نواز شریف
سوشل سیکورٹی ہسپتال کو 25000روپے ، فاطمہ میموریل ہسپتال کی کینٹین کو 5ہزار روپے جرمانہ جبکہ محمد بشیر میموریل ہسپتال، گھرکی ہسپتال کی کینٹین سمیت 36سرکاری و نجی ہسپتالوں کی کینٹینزکوبہتری کے لیے اور فوڈ لائسنس بنوانے کے لیے احکامات جاری کیے۔مزید کاروائیوں میں گوجرانوالہ میں10،فیصل آباد میں14، ملتان میں 10اور راولپنڈی میں 7ہسپتالوں کی چیکنگ کی گئی۔ اس حوالے سے ڈی جی فوڈ اتھاڑٹی نورالامیں مینگل نے کہا کہ صوبہ بھر میں محفوظ خوراک کی فراہمی یقینی بنانے کے لیے ہر ممکن اقدامات کیے جا رہے ہیں اور اب حوصلہ افزاء نتائج برآمد ہورہے ہیں۔ ہسپتالوں، سکولوں، کالجوں میں کھانے کے میعار پرخصوصی توجہ دے رہے ہیں۔اس ضمن میں پہلے مرحلے میں آگاہی، تربیت اور نوٹس دیے گئے، اب اگر کسی نے خلاف ورزی کی تو اس کے خلاف ورزی سخت کاروائی ہو گی۔ پنجاب فوڈ اتھارٹی ٹیموں نے مزید کارروائی کرتے ہوئے بحریہ ٹاؤن میں ,KFC شاپ سٹاپ پی ایس او،کو بہتری کے لیے اور فوڈ لائسنس بنوانے کے احکامات جاری کیے۔ ٹیکسالی گیٹ میں لیڈی ولینگٹن ہسپتال کینٹین اور ڈاکٹر میسکو بہتری اور فوڈ لائسنس بنوانے کے احکامات جاری کیے گیے۔ لعل پل پرو واقع مدینہ غوثیہ ملک شاپ کو چیک کیا اورموقع پر دودھ کے ٹیسٹ کیے اور فرش ٹوٹا ہونے، کھلی گندی نالیوں اور کھانے پینے کی اشیاء کو ڈھانپ کر نہ رکھنے کی
وجہ سے 4ہزار روپے جرمانہ ،جلو ویلیج میں واقع حمد بٹ نان شاپ ، لاہوری نان شپ اور عبدالمجید نان شاپ کو بہتری جبکہ بحریہ ٹاؤن میں پیزہ ہٹ (Pizza Hut)کوتمام ملازمین کے میڈیکل سرٹیفکیٹ موجود نہ ہونے کی وجہ سے15ہزار روپے جرمانہ جبکہ حاجی ہوٹل کو بہتری اور فوڈ لائسنس بنوانے کے احکامات جاری کیے۔ فوڈ کورٹ بحریہ ٹاؤن میں واقع سب وے(Subway)ریسٹورنٹ کوملازمین کے میڈیکل سرٹیفکیٹ موجود نہ ہونے کی وجہ سے12ہزار روپے جرمانہ عائد کیا اور فوڈ لائسنس رینیو کروانے کے لیے احکامات جاری کیے۔بحریہ ٹاؤن میں ہاٹ اینڈ سپائسی باربی کیوریسٹورنٹ کوملازمین کے میڈیکل سرٹیفکیٹ موجود نہ ہونے،گندے کٹنگ بورڈز، کھلے کوڑا دانوں، ڈیری آئٹمز اور سبزیوں کو ایک ہی جگہ پر رکھنے اور حشرات کی روک تھام کے نامناسب انتظامت کی بنا پر 10ہزار روپے جرمانہ عائد کیا۔
