اسلام آباد (این این آئی)آئندہ 24گھنٹوں میں موسم کیسا رہے گا؟ محکمہ موسمیات نے خبردار کر دیا , محکمہ موسمیات نے کہا ہے کہ آئندہ 24گھنٹوں کے دوران ملک کے بیشتر علاقوں میں موسم سرد اور خشک رہیگا تاہم منگل کی (شام/رات) مالاکنڈ ڈویژن، بالائی فاٹا اور گلگت بلتستان میں چند مقامات پر ہلکی بارش اور پہاڑوں پر ہلکی برف باری کا امکان ہے۔ میڈیا رپورٹ کے مطابق گزشتہ 24 گھنٹوں کے

دوران ملک کے بیشتر علاقوں میں موسم سرد اور خشک رہا۔ منگل کو ریکارڈ کئے گئے ملک کے سرد ترین مقامات کی رپورٹ کے مطابق سکردو میں درجہ حرارت منفی14 ڈگری سینٹی گریڈ، استور منفی07، گوپس، پاراچنارمنفی 05، کالام، مالم جبہ منفی04، چترال، قلات، بگروٹ منفی02، دیر، میرکھانی، راولاکوٹ، ہنزہ اور گلگت میں منفی ایک ڈگری سینٹی گریڈ ریکارڈ کیا گیا۔‎