ہفتہ‬‮ ، 24 مئی‬‮‬‮ 2025 

ویزہ نہ ملنے پر اہم سیاسی و دینی شخصیت مشتعل،امریکہ کے بارے میں خطرناک پیش گوئی کردی

datetime 13  فروری‬‮  2017
ہمارا واٹس ایپ چینل جوائن کریں

لاہور(آئی این پی) سینیٹ کے ڈپٹی چیئرمین اور جے یو آئی کے سیکرٹر ی جنرل مولانا عبد الغفور حیدری نے کہاہے کہ سینیٹ کے وفد کو ویز ہ نہ دینے پر حکومت امریکی سفیر کو دفتر خارجہ طلب کرے ، چیئرمین سینیٹ رضا ربانی نے قوم کی توقعات کے مطابق ایکشن لیا ہے ‘ امریکی کردار نے ثابت کیا ہے کہ ان کے ہاں جمہوریت نام کی نہیں ہے ‘وقت ثابت کرے گا کہ ٹرمپ امریکہ کے لیے روس کے گورپاجوف ثابت ہوں گے ۔

وہ پیر کویہاں جے یو آئی لاہور کے نائب امیر مولانا قاری نذیر احمد مر حوم کی رہائش گاہ پر میڈیا سے گفتگو اورمدنی مسجد الحمد کالونی میں سیمینار سے خطاب کررہے تھے جبکہ اس موقع پر لیاقت بلوچ ،مولانا محمد امجد خان ، قاری زوار بہادر،مولانا اللہ وسایا ،علامہ زبیر احمد ظہیر،مولانا عبد الرؤف فاروقی ،مولانا سیف الدین سیف ، مولانا محب النبی ،مولانا قاری معاویہ محمود ،حافظ اشرف گجربھی موجود تھے جے یو آئی کے سیکرٹر ی جنرل مولانا عبد الغفور حیدری نے کہا کہ ویز ہ نہ دے کر امریکہ نے ثابت کیا ہے کہ اس کی پالیسیاں تعصب پر مبنی ہے اور اس سے امریکہ کی انتہاء پسندی واضح ہو گی ہے ۔انہوں نے امریکہ کے صدر کے کردار نے ثابت کیا ہے کہ وہ مزید مسلم دشمن پالیسیاں لارہے رہیں مقررین قاری نذیر احمد کی جماعتی ملی اور دینی خدمات پر انھیں خراج تحسین پیش کیا اور کہاکہ مر حوم اتحاد امت کے داعی تھے اور جمعیت کے پیغام کو حقیقت میں پھیلانے والے تھے ۔سمینار سے مولانا یوسف احرار ،مولانا محبوب الحسن ،صاحبزادہ حافظ طیب مدنی ،حافظ غضنفر عزیز،حافظ نصیر احمد احرار ،مولانا عبد الودود اور دیگر نے بھی خطاب کیا۔ جماعت اسلامی کے راہنماء لیاقت بلوچ نے کہاکہ پاکستان کو سیکولر ریاست بنانے کی سازشوں کا مقابلہ کر نے کے لیئے دینی جماعتیں ہر محاذ پر متحد ہیں انہوں نے کہاکہ قوم کسی بیرونی ایجنڈے کو ملک پر مسلط نہیں ہونے دے گی ۔

جے یو آئی کے راہنما مولانا محمد امجد خان نے کہاکہ امریکہ میں چہرہ بدلنے سے پالیسیوں میں کوئی فرق نہیں آیا انہوں نے کہاکہ حکومت ایوان بالا کی توہین کا سخت نوٹس لے اور امریکی سفیر کو دفتر خارجہ طلب کیا جا ئے انہوں نے کہاکہ جے یو آئی پوری امت کی تر جمان ہے جمعیت پارلیمنٹ کے اندر اور پارلیمنٹ کے باہر سیکولر لابیوں اوراین جی اوز کا مقابلہ کر رہی ہے ۔جے یو پی کے راہنماء قاری زوار بہادر نے کہاکہ دینی جماعتوں میں کا اتحاد وقت کی اہم ضرورت ہے

انہوں نے کہاکہ دین اسلام کو مٹانے والے خود مٹ جائیں گے ۔عالمی مجلس ختم نبوت کے راہنما مولانا اللہ وسایا نے کہاکہ توہین رسالت کے قانون نے خلاف مہم ایک بار پھر چلائی جا رہی لیکن ایسی مہم کا مقابلہ کر نے کے لیئے قوم تیار ہے ۔مر کزی جمعیت اہل حدیث کے راہنما علامہ زبیر احمد ظہیر نے کہاکہ نظام مصطفی اس ملک کا مقدر کا ہے کوئی طاقت اس کا راستہ نہیں روک سکتی ہے ۔جے یو آئی س کے راہنما مولانا عبد الرؤف فاروقی نے کہاکہ دین اسلام کے خلاف کوئی بھی اقدام حکومت کی کشتی ڈبونے کا ذریعہ ثابت ہوگی ۔

موضوعات:

آج کی سب سے زیادہ پڑھی جانے والی خبریں


کالم



گوٹ مِلک


’’تم مزید چارسو روپے ڈال کر پوری بکری خرید سکتے…

نیوٹن

’’میں جاننا چاہتا تھا‘ میں اصل میں کون ہوں‘…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…