راولپنڈی (این این آئی)پاک فوج کے ترجمان نے نجی ٹی وی کے اسسٹنٹ کیمرہ مین تیمور کے قتل پر اہل خانہ اور میڈیا کے ساتھ ہمدردی کا اظہار کیا ہے ۔پیر کو جاری بیان کے مطابق ڈی جی آئی ایس پی آر میجر جنرل آصف غفور نے کراچی میں سماء ٹی وی کے اسسٹنٹ کیمرہ مین تیمور کے قتل کو
افسوس ناک واقعہ قرار دیتے ہوئے کہا ہے کہ وہ میڈیا ٗ سماء ٹی وی اور تیمور کے اہل خانہ کے غم میں برابر کے شریک ہیں ۔واضح رہے کہ گزشتہ شب کراچی میں ڈی ایس این جی پر حملے میں سما ٹی وی کا اسسٹنٹ کیمرہ تیمور جاں بحق ہوگیا تھا 22سالہ تیمور دوبہنوں کا اکلوتا بھائی اور خاندان کا کفیل تھا ۔
