اسلام آباد(مانیـٹرنگ ڈیسک) امریکہ، روس، فرانس، برطانیہ اور چین سمیت 36 ممالک کے جنگی بحری بیڑے کل سے پاک بحریہ کی امن مشقوں میں حصہ لیں گے۔ تفصیلات کے مطابق ترجمان پاک بحریہ کے مطابق امریکہ، روس، فرانس، برطانیہ اور چین سمیت 36 ممالک کے جنگی بحری بیڑے کل سے پاک بحریہ کی امن مشقوں میں حصہ لیں گے
مشقوں میں جاپان کے 2 پی تھری سی اورین طیارے بھی حصہ لے رہے ہیں۔ ان تمام ممالک کے بحری جہازآج کراچی پہنچ رہے ہیں۔ ترکی اور سری لنکا کے جہاز لنگر انداز ہو گئے ہیں دیگر کی آمد کا سلسلہ جاری ہے۔بحری مشقوں کے دوران عالمی میری ٹائم کانفرنس بھی ہو گی جس میں شرکت کے لئے 70 سے زائد ممالک کے مندوبین کو دعوت دی گئی ہے۔ ترجمان پاک بحریہ وائس ایڈمرل عارف اللہ حسینی نے کہا ہے کہ امن مشقیں کسی ملک کے خلاف نہیں بلکہ ان کا مقصد ضرورت پڑنے پر ایک دوسرے کی مدد کرنا ہے۔ نائب امیر البحر نے واضح کیا کہ اگر بھارت ہماری سمندری حدود میں جارحانہ عزائم لے کر آئے گا تو بچ کر نہیں جا سکتا۔
