لاہور(آئی این پی) جماعت اسلامی نے الیکشن کی تیاریاں شروع کردیں ، سینٹر سراج الحق نے لاہور جماعت کو 10 لاکھ ووٹرز بنانے کا ٹاسک دے دیا ۔تفصیلات کے مطابق جماعت اسلامی کے امیر سینٹر سراج الحق کی جانب سے لاہور جماعت اسلامی کو جاری کی جانے والی ہدایات میں کہا گیا ہے کہ ہر رکن جماعت شہر میں 10ہزار ووٹ بنائے گا۔
سینٹر سراج الحق نے لاہور جماعت اسلامی کے اراکین کو گھر گھر جاکر عوامی رابطہ مہم چلانے کی بھی ہدایت کی ہے امیر جماعت اسلامی کی جاری کردہ ہدایات کے مطابق 6ماہ کے اندر لاہور شہر میں 10 لاکھ ووٹرز بنائے جایءں گے کارکن لوگوں کو جماعت اسلامی میں شامل کرنے کے لئے قائل کریں جماعت اسلامی نے ووٹرز ٹاسک کوپورا کرنے کے لئے لاہور جماعت کو پانچ زون میں تقسیم بھی کردیا ہے۔
