اسلام آباد (آن لائن) اسلام آبادایئر پورٹ پر نجی ایئر لائن کا طیارہ گاڑی سے ٹکرا گیا جس سے جہاز کو نقصان پہنچا تاہم تمام مسافر محفوظ رہے ۔ میڈیا رپورٹس کے مطابق کراچی سے راولپنڈی ایئر پورٹ پر آنے والے طیارے کو لینڈنگ کے بعد ٹو کر کے لے جایا جا رہا تھا کہ اچانک اس کا ہک ٹوٹ گیا اور پھسلن کے باعث مسافروں سے بھرا طیارہ قریب کھڑی گاڑی سے جا ٹکرایا تاہم حادثے میں گاڑی میں
موجود ڈرائیور بھی محفوظ رہا ۔ذرائع کا کہنا ہے کہ ہک ٹوٹنے کی وجہ سے طیارہ پھسل کر گاڑی سے بری طرح ٹکرایا جس سے طیارے اور گاڑی کو جزوی طور پر نقصا ن ضرور پہنچا ہے مگر اس حادثے میں طیارے کے تمام مسافر محفوظ رہے ۔واقعے کے بعد مسافروں کو طیارے سے اتار لیا گیا ۔
