کراچی (آئی این پی) ایم کیوایم کے مرکزی رہنما سلیم شہزاد طویل خودساختہ جلاوطنی کے بعد پیر کو دبئی سے پاکستان پہنچ گئے جس کے بعد انہیں گرفتار کرلیا گیا‘ سلیم شہزاد غیر ملکی پرواز سے کراچی پہنچے تھے ۔ نجی ٹی وی سے گفتگو کرتے ہوئے انہوں نے کہا کہ ایم کیو ایم سے تعلق رکھنے والے تمام گروپ رابطے کر رہے ہیں اور فون پر بات چیت ہوئی ہے لیکن وہ اپنے سیاسی لائحہ عمل کا

اعلان دوستوں سے ملاقاتوں اور مشورے سے ایک دو دن کے بعد کریں گے۔انہوں نے کہا کہ وہ تین دہائی سے زائد عرصے سے سیاست میں ہیں اب وقت آگیا ہے کہ کراچی کی سیاست کراچی میں ہو اور کراچی والے ہی یہ سیاست کریں۔