اسلا م آباد(مانیٹرنگ ڈیسک )پاکستان کی تاریخ کے بڑے کیس پاناما کیس کی سماعت سے متعلق سپریم کورٹ سے اہم خبر سامنے آگئی ہے۔تفصیلات کے مطابق سپریم کورٹ کے عدالتی روسٹر کے مطابق پاناما کیس کی سماعت کرنے والے پانچ رکنی عدالتی بنچ جسٹس عظمت سعید کے مکمل صحت یاب ہو کر فرائض سر انجام دینےکی پوزیشن میں آنے تک سماعت کیلئے اسلام آباد میں میسر نہیں ہو گا۔واضح رہے کہ ڈاکٹروں نے جسٹس عظمت سعید کی انجیو گرافی کےدوران تھمب بلاسٹ ٹیکنالوجی کا استعمال کرتے ہوئے دل کی بند شریانیں کھولی تھیں اور انہیں آرام کا مشورہ دیا ہے۔
سپریم کورٹ آف پاکستان کی جانب سے جاری کردہ عدالتی روسٹر کے مطابق جسٹس شیخ عظمت سعید ناسازی طبع کے باعث کسی بینچ کا حصہ نہیں ہیں اور اس طرح پانچ رکنی بینچ سماعت کے لیے دستیاب نہیں ہو گا۔عدالتی روسٹر کے مطابق اسلام آباد میں کیسز کی سماعت کے لیے گیارہ ججز پر مشتمل چار بینچ تشکیل دئیے گئے ہیں۔چیف جسٹس میاں ثاقب نثار، جسٹس آصف سعید کھوسہ، جسٹس امیر ہانی مسلم تین رکنی بینچز کے سربراہ ہوں گے۔جسٹس اعجاز افضل اور جسٹس اعجاز الاحسن پر مشتمل دو رکنی بینچ اسلام آباد میں مقدمات سنے گا ۔
