اسلام آباد(مانیٹرنگ ڈیسک)اسلام آبادپولیس کے اہلکارسمیع اللہ کے ہاتھوں قتل ہونے نوجوان تیمور کا کیس ایک نیارخ اختیارکرگیاہے ۔ایک نجی ٹی وی کے مطابق آئی جے پی ر وڈناکے پرفائرنگ کرنے والے سمیع اللہ نے اپنے بیان میں کہاہے کہ میں نے گاڑی کونہ روکنے پرفائرنگ کی تھی ۔ایک نجی ٹی وی کے مطابق سمیع اللہ نے مزید بتایاکہ جب گاڑی کوروکاگیاتوگاڑی ساتھ لگے پلاسٹک کے بیرئیرکے ساتھ ٹکرائی ،دوفائرکئے گئے جوگاڑی کے ٹائرپرلگے اورتیسرافائرڈرائیوریعنی تیمورکولگا۔
پولیس اہلکارنے کہاکہ میں نے گولی اس کومارنے کےلئے نہیں صرف ڈرانے کےلئے چلائی تھی جوتیمورکولگ گئی اوروہ شدید زخمی ہوگیا۔اس سے قبل پولیس اہلکارسمیع اللہ سے فائرنگ میں استعمال ہونے والی رائفل برآمدکرلی گئی ہے جبکہ اتوارکے روزہی پولیس اہلکارسمیع اللہ نے خود کوایس ایس پی آپریشنزساجد کیانی کے سامنےپیش کردیاتھاجس کے بعد اس کابیان قلمبندکیاگیا۔ملزم سمیع اللہ کوآج عدالت میں پیش کیاجائے گا۔
نوجوان تیمورپرگولی چلانے والاپولیس اہلکارسمیع اللہ
