اسلام آباد(مانیٹرنگ ڈیسک)پاکستان تحریک انصاف کی مرکزی قیادت نے فاٹاآرگنائزنگ کمیٹی کے سلسلے میں اہم فیصلہ کرتے ہوئے فاٹااولمپک ایسوسی ایشن کے صدرشاہدخان آفریدی کوفاٹاآرگنائزنگ کمیٹی کا جنرل سیکرٹری مقررکردیا۔تفصیلات کے مطابق پاکستان تحریک انصاف کے مرکزی سیکرٹری جنرل جہانگیرخان ترین اورفاٹاکے چیف آرگنائزردوست محمدمحسود
نے شاہد خان آفریدی کی تقرری کااعلامیہ جاری کرتے ہوئے فاٹا اولمپک ایسوسی ایشن کے صدر شاہد خان آفریدی کو فاٹا آرگنائزنگ کمیٹی کا جنرل سیکرٹری مقرر کر دیا ہے۔شاہد خان آفریدی نے تحریک تحریک انصاف کی مرکزی قیادت کا ان پراعتمادپرشکریہ اداکرتے ہوئے کہاہے کہ فاٹامیں تحریک انصاف کومظبوط کرینگے اورمرکزی قیادت کے اعتمادپرپُرااترنے کی ہرممکن کوشش کرینگے ۔انہوں نے 8فروری کوساڑھے گیارہ بجے پشاورپریس کلب میں فاٹاکے عہدیداروں کااجلاس طلب کر لیا ہے ۔
