برسلز( آن لائن ) یورپی کمیشن نے اعلان کیا ہے کہ براعظم یورپ میں موبائل فون کے صارفین کے لیے رومنگ چارجز ختم کرنے کے حوالے سے معاہدہ طے پا گیا ہے۔ یورپی کمیشن کے اس اعلان کو یورپ میں سنگل ڈیجٹل مارکیٹ کے قیام کی جانب ایک بڑا قدم قرار دیا جا رہا ہے۔مذکورہ منصوبے کا اعلان دو سال قبل اس وقت کیا گیا تھا جب یورپی کمیشن نے یکساں ڈیجیٹل مارکیٹ کے حوالے سے اپنی خواہش کا اظہارکیا۔

منصوبے کے تحت یورپی یونین کے رکن ممالک کی حدود میں رومنگ چارجز کے خاتمے پر کام ہو رہا ہے۔ واضح رہے کہ ٹیلی کمیونی کیشن کی کمپنیوں کی جانب سے اس منصوبے کی شدید مخالفت سامنے آئی جنہیں اپنے منافع کے حوالے سے سخت تشویش لاحق ہے۔یورپی کمیشن کے نائب سربراہ آندرس اینسپ کا کہنا ہے کہ رواں برس 15 جون سے یورپی شہری یورپی یونین کے ممالک میں رومنگ چارجز کے بغیر سفر کر سکیں گے۔معاہدے کے تحت یورپی صارفین براعظم یورپ کے کسی بھی ملک میں اسی نرخ پر انٹرنیٹ ، فون کال اور میسجنگ سروس سے لطف اندوز ہو سکیں گے جس نرخ پر وہ ان خدمات کو اپنے ملک میں استعمال کرتے ہیں۔۔#/s#

موضوعات:موبائل رومنگ یورپی کمیشن