سیالکوٹ (آئی این پی)ویڈیو سکینڈل کیس متاثرہ خواتین سے بلیک میل کرکے حاصل کی گئی رقم ،زیورات اور جہیز کی برآمدگی کیلئے مرکزی ملزم کا تین روزہ جسمانی ریمانڈ ہ حاصل کرلیا ۔ملزم کی ساتھی سعدیہ آصف گرفتار نہ ہوسکی، جبکہ پشت پناہی کرنے والا سب انسپکٹر بھی بدستود ڈیوٹی پر ،
تفصیلات کے مطابق حاجی پورہ پولیس نے ویڈیو سکینڈل کیس کے مرکزک ملزم عابد محمود کو علاقہ مجسٹریٹ خلیل عاصم کے روبرو پیش کیا اور استدعا کی کہ ملزم سے اس کی بیویوں شازیہ اویس ،عاصمہ اسلم ،ارشاد بیگم، نوشنیہ بی بی ،فوزیہ یوسف، حناء ،قرۃ العالین اور صفیہ کو ان کی برہنہ ویڈیو فلم تیار کرکے بلیک میل کے ذریعے ان کے زیورات ،جہیز اور ان کے اہل خانہ سے حاصل کی گئی لاکھوں روپے کی رقم برآمد کرنے کے لئے مزید سات روزہ جسمانی ریمانڈ ہ جار ی کیا گیا جس پر عدالت نے ملزم کا مزید تین روزہ جسمانی ریمانڈہ جاری کرتے ہوئے اسے پولیس کے حوالے کردیا۔ پولیس کے مطابق ملزم تین لڑکیوں سے خود کو کنوارہ ظاہر کرکے شادی کا اعتراف کرچکا ہے اور اس کے قبضہ سے ویڈیو فلم بنانے والے سافٹ وئیر ،موبائل ،لیپ ٹاپ برآمدکرکے فرانزک لیبارٹری کو بھجوادئیے گئے ہیں۔ جبکہ ملزم سے اس کی دیگر پانچ بیویوں کے بارے بھی تفتیش کی جائے گی۔ دوسری طرف ملزم کو اپنا حقیقی دیور ظاہر کرکے اس کی شادیاں کروانے والی بینک منیجر کی بیوی سعدیہ آصف گرفتار نہ ہوسکی ہے اور ملزمان کی پشت پناہی کرنے والا سب انسپکٹر پرویز خان بھی بددستور تھانہ مراد پور میں تعینات ہے۔ حافظہ شازیہ اور عاصمہ اسلم نے وزیراعلیٰ پنجاب سے مطالبہ کیا ہے کہ دونوں ملزمان کو جلد از جلد گرفتار کیا جائے او رکیفر کردار تک پہنچایا جائے۔
