اسلام آ باد ( آ ئی این پی ) عوامی مسلم لیگ کے سربراہ شیخ رشید احمد نے کہا ہے پانچ فروری کو کشمیری عوام کے ساتھ بھرپور یکجہتی کااظہار کرنا چاہیے،حافظ سعید کو نظر بند کرکے حکومت کی کشمیری عوام کے ساتھ یکجہتی ظاہر ہوگئی ہے،
ٹرمپ مودی اور نواز ٹرائیکا بن چکے ہیں اور یہ ایک ہی سکے کے دو رخ ہیں،نوازشریف کا سپریم کورٹ سے پانامہ کیس کے حوالے سے تابوت نکلے گا اس لیے ادھورے منصوبوں کا افتتاح کرر ہے ہیں،راولپنڈی میں یوں لگتا ہے کہ سول وار شروع ہوچکی ہے۔جمعہ کو پارلیمنٹ ہا ؤ س کے باہر میڈیا سے گفتگو کر تے ہوئے انہوں نے کہاکہ راولپنڈی میں پانچ دکانوں پر ڈکیتی ہوئی لیکن کوئی ملزم نہیں پکڑا گیا،اسلام آباد میں سبزی منڈی میں پولیس کی جانب سے ایک فرد کو قتل کرنے کی مذمت کرتے ہیں،راولپنڈی میں جرائم بڑھ رہے ہیں اور یوں لگتا ہے شہر میں سول وار شروع ہوچکی ہے
