اسلام آباد(مانیٹرنگ ڈیسک) پی ٹی آئی کے چیئرمین عمران خان اور بابر اعوان کی بنی گالا میں ملاقات ہوئی جس میں پاناما کیس کی پیش رفت کا جائزہ لیا گیا۔ایک نجی ٹی وی کے مطابق بابر اعوان نے تحریک انصا ف کے چیئرمین عمران خان سے ملاقات کی،
اس موقع پرعمران خان نے کہا کہ تحریک انصاف کا کیس مزید مضبوط ہو رہا ہے۔ عدالت میں آئے روز نئی نئی باتوں سے پردہ اٹھ رہا ہے۔انہوں نے کہاکہ حکمران خاندان اپنے ہی بولے جھوٹوں میں بری طرح پھنس رہا ہے۔ عمران خان نے مزیدکہا کہ پانامہ کیس جلد قوم کو کرپٹ حکمرانوں کی حقیقت بتا دے گا۔
