اسلام آباد (مانیٹرنگ ڈیسک)پاکستان نے اسلامی دنیا کے دو اہم ترین ممالک سعودی عرب اور ایران میں فاصلے کم کرانے کیلئے بطور ثالث پیش کش کر دی ہے۔تفصیلات کے مطابق آج قومی اسمبلی کے اجلاس میں وفاقی وزیر دفاع خواجہ آصف نے کہا ہے کہ پاکستان دہشتگردی کے خلاف عالمی سطح پر مسلم امہ کا موقف پیش کرنے کو تیار ہے
اور اسلامی دنیا کے دو اہم ترین ملک سعودی عرب اور ایران کے درمیان مفاہمتی کردار ادا کرنے کیلئے اپنا آپ پیش کرتا ہے۔ واضح رہے کہ ایران اور سعودی عرب میں باہمی چپقلش جاری ہے جس کا اثر حج پر جانے کے خواہشمندوں پر بھی پڑ رہا ہے ۔