اسلام آباد(مانیٹرنگ ڈیسک) نجی ٹی وی کے ایک پروگرام میں معروف اینکر پرسن مبشر لقمان نے پی پی رہنما قمر الزمان کائرہ سےسوال کرتے ہوئے کہا کہ پاکستان تحریک انصاف کے پاس اس وقت مضبوط وکیل نہیں ہیں تو پی پی اعتزاز احسن اور لطیف کھوسہ کو پانامہ کیس لڑنے کیلئے پی ٹی آئی کو ادھار کیوں نہیں دے دیتی ؟قمر زمان کائرہ نے
پیپلزپارٹی کا مئوقف دیتے ہوئے کہا کہ عمران خان جسے چاہیں وکیل کر لیں مگر پیپلزپارٹی کے حوالے سے اگر پوچھا جائے کہ وہ کیوں پانامہ کیس میں فریق نہ بنی تو اس کی وجہ اپوزیشن کا وہ کرپشن کے خلاف مشترکہ بل ہے جو کہ سینٹ سے پاس ہو چکا ہےاور قومی اسمبلی سے پاس ہونا باقی ہے ، جب تک وہ قومی اسمبلی سے پاس نہ ہو جائے،عدالت پانامہ کیس کے حوالے سے خودمختار نہ ہو جائے،اور پانامہ کیس کے حوالے سے حدود و قیود نہ طے کر لی جائیں پیپلزپارٹی سپریم کورٹ میں پانامہ کیس کے حوالے سے نہیں اترے گی۔انہوں نے کہا کہ پانامہ کیس کے حوالے سے ٹی او آرز طے نہ ہونے سے یہ کیس ٹرک کی بتی کے پیچھے لگنے والی بات ثابت ہو گا۔ قمر زمان کائرہ نے ن لیگ اور میاں محمد نواز شریف پر تنقید کرتے ہوئے کہا کہ آج یہ لوگ اخلاقیات اور میڈیا ٹرائل ہونے پر تنقید کر رہے ہیں جبکہ ماضی میں پیپلزپارٹی کی حکومت کے خلاف میمو گیٹ سکینڈل اور رینٹل پاور کیس میں سپریم کورٹ کے باہر اپنی عدالت لگا لیتے تھےاور کیا کچھ نہیں کرتے رہے۔
