لاہور(مانیٹرنگ ڈیسک) حکومت نے فیصلہ کیا ہے کہ وزیر اعظم نواز شریف کی زندگی پر لکھی گئی کتاب سرکاری لائبریریوں میں رکھی جائے گی۔ اس سلسلے میں ڈائریکٹر جنرل پبلک لائبریریز کو مراسلہ بھجوا دیا گیا ہے۔ مراسلے میں کہا گیا ہے کہ وزیر اعظم میاں محمد نواز شریف کی زندگی کے نشیب و فراز پر لکھی گئی مفصل کتاب کو تمام سرکاری، پرائیویٹ، نیم سرکاری لائبریریوں اور تعلیموں اداروں میں خرید کر رکھا جائے۔ اس مقصد کیلئے تمام تعلیمی ادارے وزیر اعظم میاں نواز شریف پر لکھی گئی کتاب’’ میاں محمد نواز شریف’داستان حیات‘ ‘کو خریدیں ۔ نجی ٹی وی چینل کی رپورٹ کے مطابق میاں نواز شریف کی زندگی پر لکھی گئی کتاب کا بوجھ بھی عوامی ٹیکس کی رقم پر ڈال دیا گیا ہے۔ کتاب کی قیمت 725 روپے مقرر کی گئی ہے۔