اسلام آباد(مانیٹرنگ ڈیسک)ماں نے اپنی سگی شیر خوار بچی کو تھیلے میں ڈال کر پڑوسیوں کی چھت پر پھینک دیا، سسرالیوں نے ذہنی مریضہ قرار دے دیا، تفصیلات کے مطابق گوجرانوالہ کے سانسی روڈ نامی علاقے میں سسرالیوں کی جانب سے پاگل قرار دی جانے والی خاتون نے اپنی شیر خوار بچی کو تھیلے میں بند کر کے پڑوسیوں کی چھت پر پھینک دیا تاہم اطلاع ہونے پر گھر والوں نے بچی کو تھیلے سے باہر نکالا تو وہ محفوظ تھی۔خاتون کی ساس نے بتایا ہے کہ ان کی بہو کی ذہنی حالت درست نہیں اور اس کا علاج کروایا جارہا ہے،وقوعہ پر موجود افراد کے مطابق خاتون نے بچی کو تھیلے میں ڈال کر پڑوسیوں کی چھت پر پھینکنے کی وجہ اس کا زیادہ رونا بتایا ہے۔