راولپنڈی( آئی این پی ) فرنٹیئر کور اور حساس ادارے نے ڈیرہ بگٹی کے علاقے پشنی میں کارروائی کرتے ہوئے کالعدم تنظیم کے 4دہشتگردوں کو ہلاک کر دیا جب کہ3 کو گرفتار کر لیا ۔ بدھ کو پاک فوج کے شعبہ تعلقات عامہ (آئی ایس پی آر ) کے مطابق ڈیرہ بگٹی کے علاقے پشنی میں ایف سی اور حساس ادارے نے کارروائی کی ہے ۔
فائرنگ کے تبادلے میں کالعدم تنظیم کے چار دہشت گرد ہلاک ہو گئے ۔ جب کہ تین کو گرفتار کر لیا گیا ۔ کارروائی کے دوران دہشتگردوں کے چار ٹھکانے تباہ کر دیئے گئے جب کہ بڑی تعداد میں اسلحہ و گولہ بارود بھی برآمد کر لیا گیا جس میں 13 بارودی سرنگیں ، 31 آئی ای ڈیز، 80 دستی بم ، 20 کلو بارودی مواد ، 20 راکٹ ، ہزاروں راؤنڈز ، مواصلاتی آلات اور دیگر تخریبی مواد بھی برآمد کر لیا گیا ہے۔ آئی ایس پی آر کے مطابق دہشت گرد بھتہ خوری ، اغواء برائے تاوان اور سیکیورٹی فورسز پر حملوں میں ملوث تھے
