اسلام آباد(آئی این پی ) تحریک انصاف نے امریکی صدر ڈونلڈ ٹرمپ کے مسلم دشمن اقدامات کے خلاف قرارداد مذمت قومی اسمبلی مین جمع کرا دی ۔قرارداد چیئرمین تحریک انصاف عمران خان کی خصوصی ہدایت پر جمع کروائی گئی۔قرارداد اسد عمر، شیریں مزاری، ڈاکٹر عارف علوی اور دیگر کی جانب سے جمع کروائی گئی۔بدھ کو اسمبلی سیکرٹریٹ میں جمع کرائی گئی قرارداد میں ٹرمپ انتظامیہ کے فیصلے کو متعصب اور انسانی حقوق کی صریحا خلاف ورزی قرار دیا گیا ہے۔

قرارداد کے متن میں مذید کہا گیا ہے کہ فیصلہ عالمی سطح پر نفرت اور دوریوں کا موجب بنے گا ،حکومت عالمی سطح پر اس معاملے کو اٹھانے کیلئے اقدامات یقینی بنائے،امریکہ کیساتھ دوطرفہ سطح پر بھی اس معاملے کو اٹھایا جائے

موضوعات:ڈونلڈ ٹرمپ