کراچی(آئی این پی)نامزدگورنرسندھ محمدزبیر نے کہا ہے کہ کراچی کی ہیڈ لائنز معاشی حوالے سے بنواناچاہتاہوں،ہم کسی جماعت سے مقابلہ کرنے نہیں آرہے،تمام اسٹیک ہولڈرز کو ساتھ لے کرچلوں گا،بطورگورنرسیاست نہیں کروں گا،مسلم لیگ(ن) پاکستان کی سب سے بڑی جماعت ہے۔
بدھ کو نجی ٹی وی سے گفتگو کرتے ہوئے نامزدگورنر نے سندھ محمد زبیر نے کہاکہ ہم کسی جماعت سے مقابلہ کرنے نہیں آرہے دوسری جماعتوں کے مینڈینٹ کا احترام کرتے ہیں،تمام اسٹیک ہولڈرز کو ساتھ لے کرچلوں گا،یقین ہے تمام اسٹیک ہولڈرز مجھے سپورٹ کریں گے۔انہوں نے کہاکہ کراچی کی ہیڈلائنز معاشی حوالے سے بنوانا چاہتاہوں،کراچی کے دن بدلنے والے ہیں،اقتصادی حوالے سے اچھی پیشرفت چاہتا ہوں،کراچی کی سیکیورٹی میں بہتری آئے گی۔محمد زبیر نے کہاکہ مسلم لیگ(ن) پاکستان کی سب سے بڑی جماعت ہے،مسلم لیگ ن کو عوام نے مینڈینٹ دیاہے،مسلم لیگ(ن) سندھ سے نشستیں بڑھائے گی،بطور گورنر سیاست نہیں کروں گا،میرا فوکس معاشی ترقی ہے۔
