اسلام آباد (ایکسکلوژو رپورٹ) ن لیگ نے پاناما کیس کا فیصلہ خلاف آنے پر قبل از وقت الیکشن کی تیاری شروع کر دی ، بڑے اور اہم رہنمائوں کو اس حوالے سے سگنل دے دیا گیاہے، نجی ٹی وی کے پروگرام میں اینکر نے تہلکہ خیز انکشافات کر کے سیاسی حلقوں میں بھونچال پیدا کر دیا ہے۔ تفصیلات کے مطابق پاکستانی نجی ٹی وی کے پروگرام کے اینکر پرسن خاور گھمن
نے پروگرام کے دوران اہم انکشاف کرتے ہوئے بتایا ہے کہ حکومتی ایوانوں میں اضطرابی کیفیت طاری ہو چکی ہے اور اس کو ثابت کرنے کیلئے انہوں نے قومی اسمبلی میں پاکستان تحریک انصاف اور ن لیگ کے درمیان ہونے والی گھمسان کی لڑائی کو مثال کے طور پیش کیا،انہوں نے کہا کہ ن لیگ کے بڑوں نے پاناما کیس کا فیصلہ خلاف آنے اور میاں محمد نواز شریف کی نا اہلی کے بعد کی صورتحال اور قبل از وقت عام انتخابات کیلئے سٹریٹجی ترتیب دیتے ہوئے اہم رہنمائوں کو عوامی رابطہ مہم کے حوالے سے گرین سگنل دے دیا ہے اور اس سلسلے میں خواجہ سعد رفیق اور خواجہ آصف متحرک بھی ہو چکے ہیں، جبکہ وزیراعظم میاں محمد نواز شریف بھی عوامی اجتماعات سے خطابات کریں گے اس حوالے سے ان کے دورہ مانسہرہ کو ترتیب دے دیا گیا ہے جہاں وہ ایک عوامی اجتماع سے خطاب کریں گے۔انہوں نے بتایا کہ پاناما کیس کا فیصلہ خلاف آنے کی صورت میں میاں محمد نواز شریف کی نا اہلی اور اس سے پیدا ہونے والی قبل از وقت عام انتخابات کی صورتحال کے پیش نظر ن لیگ کی قیادت نے جماعت کے اہم رہنمائوں کو عوامی رابطہ مہم اور دیگر عوامی تقریبات کے انعقاد کے حوالے سے متحرک کر دیا ہے اور خواجہ سعد رفیق اور خواجہ آصف اس حوالے سے سرگرمیوں کا آغاز کر چکے ہیں۔
