لاہور(آن لائن ) پنجاب فوڈ اتھارٹی کی کارروائیوں میں نرمی کے باعث گدھوں کے گوشت اور کھالوں کے مکروہ کاروبار کرنے والے عناصر ایک مرتبہ پھر سرگرم عمل ہو گئے۔ چوہنگ کے بعد مانگا منڈی میں بھی گزشتہ روز نامعلوم افراد 8گدھوں کی کھالیں اورگوشت لے اڑے اور انتظامیہ منہ دیکھتی رہ گئی۔ شہری صادق کی درخواست پر مقامی پولیس نے مقدمہ درج کرلیا۔

بتایا گیا ہے کہ چوہنگ کے علاقہ میں نامعلوم افراد 10 گدھوں کا گوشت اور کھالیں لے کر فرار ہو گئے تھے۔ انتظامیہ کی بے حسی کے باعث گزشتہ روز بھی مانگا منڈی کے علاقے میں صادق نامی شہری نے گدھوں کے ڈھانچے دیکھنے کے بعد اطلاع دی کہ کچھ نامعلوم افراد 8 گدھوں کا گوشت اور کھالیں اتار کر غائب ہو گئے ہیں۔ پولیس نے مقدمہ درج کرلیا مگر کسی ملزم کو پکڑنے میں کامیاب نہ ہو سکی