راولپنڈی(آئی این پی)پاکستان مسلم لیگ(ن) کے رہنما حنیف عباسی نے شیخ رشید کو پاکستانی سیاست کی میرا اور روالپنڈی کی پیشانی پر داغ قراردیتے ہوئے کہا ہے کہ نوازشریف کے قدموں میں بیٹھ کر شیخ رشید وزارت کی بھیک مانگتاتھا،وزارت نہیں ملی تو وہ آجکل عمران خان کے بھانڈ کا کرداراداکررہاہے،جوشخص شیخ کوچپڑاسی رکھنے پرتیارنہیں تھا،یہ آج کل اسی کا دم چھلابناپھرتاہے،

انہوں نے کہاکہ شیخ صاحب اپنی زبان کو لگام دوورنہ طاہرالقادری کی وہ فلم چلادوں گا،جسے تم بھول گئے ہو۔اتوار کو شیخ رشید کے تحریک انصاف کے ساہیوال میں جلسے سے خطاب پر ردعمل دیتے ہوئے حنیف عباسی نے کہاکہ شیخ صاحب اپنی حد میں رہیں،میں نے راز کھول دیئے توآپ منہ دکھانے کے لائق بھی نہیں رہیں گے،نوازشریف کے قدموں میں بیٹھ کرشیخ رشید وزارت کی بھیک مانگتاتھا جواسے نہیں دی گئی۔انہوں نے کہا کہ وزارت کی بھیک مانگنے والاشیخ رشیدآج کل عمران خان کے بھانڈکاکرداراداکررہاہے،جوشخص تمہیں چپڑاسی رکھنے کوتیارنہیں تھا،آج اسی کا دھم چلہ بنے پھرتے ہو،شیخ صاحب اپنی زبان کو لگام دو ورنہ طاہرالقادری کو فلم چلادوں گا جسے تم بھول گئے ہو۔حنیف عباسی نے کہاکہ میرے لیڈر کا نام لینے سے پہلے سوچ لیا کرو،تمہارے ماضی اور حال سے پوری قوم آگاہ ہے،بچہ بچہ جانتا ہے کہ شیخ رشید نے سائیکل سے پراڈو تک کاسفر کیسے کیا،انہوں نے کہاکہ شیخ رشید پاکستانی سیاست میں میرا والاکرداراداکررہے ہیں،بلدیاتی الیکشن میں میاں محمد نوازشریف کے کارکنوں نے شیخ رشید کو مستردکردیا اور آئندہ الیکشن میں بھی مسلم لیگ (ن) کے کارکن شیخ رشید کی ضمانت ضبط کروائیں گے،2018آنے والا ہے،پھر راولپنڈی کی پیشانی سے یہ داغ ہمیشہ کیلئے مٹ جائے گا۔