اسلام آباد (مانیٹرنگ ڈیسک)ملتان کے شہری بھی آج سے میٹرو بس کی سہولت کا فائدہ اٹھا سکیں گے۔وزیراعظم نوازشریف اور وزیراعلیٰ پنجاب منصوبے کا ا فتتاح کریں گے۔تمام تیاریاں مکمل کر لی گئیں۔ خبر کے مطابق ویسے تو افتتاحی تقریب کے موقع پر اہم ترین شخصیت وزیر اعظم ہونگے تاہم ایک اور شخص کی آمد کے چرچے بھی
زبان زد عام ہیں ۔ نیو ٹی وی چینل کی رپورٹ کے مطابق سینئرسیاستدان مخدوم جاویدہاشمی ،سابق وزیراعظم یوسف رضاگیلانی سمیت جنوبی پنجاب کی اہم سیاسی شخصیات کی شرکت بھی متوقع ہے۔ میٹروبس منصوبے کے افتتاح پر سکیورٹی کے فول پروف انتظامات کئے گئے ہیں۔افتتاح کے موقع پر18کلومیٹرطویل میٹروبس روٹ اورشہر بھرکودلہن کی طرح سجایا گیا ہے۔میٹروبس روٹ اور اسٹیشنز کی علاقائی کلچر کے مطابق خوبصورت تزئین وآرائش کی گئی ہے۔شہربھر میں میٹروبس کے افتتاح کے سلسلے میں خیرمقدمی بینر آویزاں کئے گئے ہیں۔
