لنڈی کوتل(آئی این پی)طورخم بارڈر پر انسانی سمگلنگ گروہ کا خطرناک کارندہ گرفتار،افغان شہری 13 جعلی پاکستانی شناختی کارڈ اور 14 اصلی پاکستانی پاسپورٹ جسم کے ساتھ ٹیپ سے چپکا کر لے جارہاتھا ، ایف سی خیبرپختونخواہ کی اہم کامیابی گروہ کے سرغنہ شفیع پشاور سے چھاپے میں گرفتار ،کء اہم مجرم روپوش ،برآمد شدہ پاسپورٹ مشین ریڈ ایبل ھیں اور ان پر لگی ہوئی تصاویر غیرملکی لوگوں کی ھیں ،
سکیورٹی ذرائع کے مطابق امکان ہے کے ان میں سے کچھ ازبک ،ترکمان اورایغور بھی ہوسکتے ہے۔سکیورٹی ذرائع کے مطابق جعلی شناختی کارڈ پر اصلی پاسپورٹ محکمہ کے اہلکار وں کی ملی بھگت سے تیار کیے گئے ۔عوام کے وزارت داخلہ سے اس اسکنڈل کے اصلی کرداروں کو گرفتار کرنے کی اپیل۔ طورخم بارڈر پر سختی کی وجہ سے اسمگلروں اور غیر قانونی کام کرنے والوں میں پریشانی کی لہر دوڑ گئی ۔حکام کی خیبر رائفلز اہلکاروں کو انعام کی سفارش کی ہے۔
