پشاور(این این آئی)پشاورمیں میٹروبس سروس کا ڈیزائن تیار کرلیا گیا جبکہ بس سروس کیلئے ٹریک کو نو سے دس ماہ میں مکمل کیا جائیگا ۔پی ڈی اے دفتر میں پریس کانفرنس کرتے ہوئے ڈائریکٹر پی ڈی اے منظور وٹو کا کہناتھا کہ چینی حکام کے ساتھ میٹروبس سروس پر بات چیت ہوئی ہیں اور بس کا ڈیزائن بھی تیار کرلیا گیا ہے ،، بس سروس کیلئے ٹریک کو نو سے دس ماہ میں تین مرحلوں کے اندر مکمل کیا جائیگا پہلے مرحلہ میں چمکنی سے قلعہ بالاحصار سے کینٹ کے اندرسے ہوتاہوا ٹریک امن چوک تک جائیگا
جبکہ تیسرا مرحلے میں امن چوک سے فیز تھری چوک حیات آباد ٹریک کو مکمل کیا جائیگا ، بس منصوبے پر ابتدائی طور پر 41ارب روپے لاگت آئے گئی ڈی جی پی ڈی اے کا کہناتھا کہ حیات آباد میں صوبے کا سب بڑا اور بین الاقوامی معیار کا پارک بھی بنایا جائیگا جس کا نام بی سا (BISA) رکھا جائیگا جس کا نقشہ بھی تیار کرلیا گیا ہے ، ڈی جی پی ڈی اے کا کہناتھا کہ حیات آباد میں احتجاج کرنے والے رہائشی نہیں بلکہ پراپرٹی ڈیلرز ہے جنہوں نے محکمہ کے اہلکاروںکیساتھ مل کرلیز کی زمینوں کے جعلی کاغذات بنائے تھے جس پر محکمہ کے چار افراد کو شوکاز نوٹس جاری کرتے ہوئے انکوائری کا حکم دیا گیا ہے ۔
