راولپنڈی(آئی این پی) پاکستان نے آبدوز سے بابر 3 کروز میزائل کا کامیاب تجربہ کرکے اب سمندوں سے بھی ایٹمی ہتھیار لانچ کرنے کی صلاحیت حاصل کر لی ہے جس کے بعدپاکستان کا ٹرائی ایڈ مکمل ہوگیا،سمندر سے بھی ایٹمی ہتھیارلانچ کرنے کی صلاحیت کو” ٹرائی ایڈ ” کہا جاتا ہے ، یعنی بری، فضائی اور بحری افواج تینوں ایٹمی ہتھیار چلانے کی صلاحیت رکھتی ہوں ، بھارت کے پاس ایسی ایٹمی آبدوز موجود ہیں ، پاکستان اس شعبے میں پیچھے تھا ، سمندر سے ایٹمی ہتھیار لانچ کرنے کی صلاحیت خدا نخواستہ ایٹمی حملے کی صورت میں جوابی کاروائی کرنے میں مدد دیتی ہے اسے ” سیکنڈ سٹرائیک کیپبلٹی” کہا جاتا ہے۔

پاکستان نے آبدوز سے کروز میزائل ’’بابرتھری‘‘فائر کرنے کا کامیاب تجربہ کرلیا،میزائل 450کلومیٹر تک اپنے ہدف کو کامیابی سے نشانہ بناسکتا ہے،آرمی چیف جنرل قمر جاوید باجوہ نے کامیاب تجربے پر سائنسدانوں اور قوم کو مبارکباد دی ہے۔پیر کو پاک فوج کے شعبہ تعلقات عامہ آئی ایس پی آر کے مطابق پاکستان نے آبدوز سے کروز میزائل ’’بابرتھری‘‘فائر کرنے کا کامیاب تجربہ کرلیا،میزائل 450کلومیٹر تک اپنے ہدف کو کامیابی سے نشانہ بناسکتا ہے،آرمی چیف جنرل قمر جاوید باجوہ نے کامیاب تجربے پر سائنسدانوں اور قوم کو مبارکباد دی ہے۔چیئرمین جوائنٹ چیفس آف سٹاف کمیٹی جنرل زبیر محمود حیات ،چیف آف ائیر سٹاف اور چیف آف نیول اسٹاف نے بھی میزائل کے کامیاب تجربے پر قوم اور ٹیم کو مبارکباد دی ۔

موضوعات:آرمی چیف جنرل قمر جاوید باجوہ کروز میزائل