ٹو بہ ٹیک سنگھ (آئی این پی )وفاقی وزیر انسانی حقوق و اقلیتی امور سینٹر کامران مائیکل کا مبارک آباد کالونی میں زہریلی شراب سے ہلاک ہو نیوالوں کے لواحقین سے اظہار ہمددری کیلئے مبارک آباد پہنچے ،جہاں انہوں نے ہلاک افراد کے اہل خانہ سے گھر گھر جا کر اظہار تعزیت کی ۔ مبارک آباد سینیٹ پیٹر ہائی سکول میں دعائیہ تقریب بھی منعقد کی گی �ئاس موقع پروزیر انسانی حقوق کامران مائیکل نے خطاب کرتے ہوئے کہا کہ ہلاک ہو نیوالے سرکاری ملازمین کے بچوں کو فوری ملازمتیں دی جائیں گئیں، لواحقین کی مالی معاونت کے ساتھ ساتھ وزرات انسانی حقوق کی طرف سے راشن تقسیم کیا جائے گا ۔
انہوں نے کہا کہ سینٹ پیٹرز ہائی سکول میں میڈیکل کیمپ لگایاجائے گا،جہاں ہسپتال سے فارغ ہو کر گھر آنے والوں کی دیکھ بھال اور مزید علاج معالجہ جاری رہے گا انہوں نے کہا کہ ضلعی انتظامیہ نے متاثرین کے علاج معالجہ اور انہیں دیگر سہولیات کی فراہمی کیلئے گراں قدراقدامات کئے ہیں،ضلع بھر کیلئے سرکاری طور پر آنے والا کرسمس پیکج صرف مبارک آباد کا لو نی میں تقسیم کیا جائے گاانہوں نے کہا کہ پرائم منسٹر پیکج کیلئے بھی کوشس کی جارہی ہے ، انہوں مسیحی نوجوانوں کا مخاطب کر تے ہوئے کہا کہ وہ خوشیاں ضرور منایءں لیکن اپنی زندگیوں سے نہ کھیلیں۔اس موقع پر ان کے ہمراہ ایم پی اے شکیل مارکس کھوکھر،بشپ جوزف ارشد، سابق ایم پی اے جونیل عامر سہوترا، ڈی پی او عثمان گوندل، ڈی سی او عامر اعجاز اکبر سمیت مسیحی افراد کی بڑی تعداد موجود تھی ۔
