اسلام آباد (مانیٹرنگ ڈیسک) وزیر اعظم پاکستان کے معاون خصوصی ڈاکڑآصف کرمانی کو سابق وزیر و سینئر لیگی رہنما طاہر انور سے ٹکر مہنگی پڑ گئی ہے اور لیگی کارکنان وزیراعظم کے معاون خصوصی کی آزاد کشمیر کے معاملات میں مداخلت کیخلاف سڑکوں پر نکل آئے ہیں ، لیگی کارکنان کی جانب سے آصف کرمانی کیخلاف شدید نعرے بازی کی گئی ہے جس سے راولاکوٹ کی فضاء گو کرمانی گو، کرمانی کا جو یار ہے غدار ہے غدار ہے کہ نعروں سے گونج اٹھی ہے تفصیلات کے مطابق سابق وزیر و وزیراعظم آزاد کشمیر راجہ فاروق حیدر کے قریبی ساتھی سردار طاہر انور پر مبینہ طور پر آصف کرمانی کی ایما پر درج کئے گئے مقدمے کا معاملہ شدت اختیار کر گیا ہے اور راولاکوٹ کے لیگی کارکنان سول، سوسائٹی اور وکلاء آصف کرمانی کے اس اقدام کیخلاف سراپا احتجاج بن گئے ہیں اور انہوں نے پیر کے روز راولاکوٹ شہر میں زبردست احتجاج مظاہرہ اور ریلی کا اہتمام کیا ہے، جس میں طاہر انور کیخلاف آصف کرمانی کی جانب سے شروع کی گئی انتقامی کارروائی کی شدید الفاظ میں مذمت کرتے ہوئے آصف کرمانی کیخلاف شدید نعرے بازی کی گئی ہے جس سے راولاکوٹ کی سرزمین گو کرمانی گو، کرمانی کا جو یار ہے غدار ہے غدار کے نعروں سے گونج اٹھی جبکہ احتجاجی مظاہرہ سے طاہر انور سمیت متعدد لیگی کارکنوں نے خطاب بھی کیا مقررین کا کہنا تھا کہ وزیراعظم پاکستان آصف کرمانی کو لگام دیتے ہوئے آزاد کشمیر کے معاملات میں دخل اندازی سے روکیں، ورنہ راولاکوٹ کی دھرتی پر قدم رکھنے کی صورت میں آصف کرمانی کو شدید ردعمل کا سامنا کرنا پڑے گا. واضح رہے کہ گزشتہ ہفتہ طاہر انور سمیت دو لیگی کارکنان پر مسلم لیگ ہوتھ ونگ کے رہنما آفتاب عارف کی درخواست پر مقدمہ درج کیا گیا ہے جس کو طاہر انور نے جھوٹا مقدمہ قرار دیتے ہوئے موقف اختیار کیا کہ یہ مقدمہ آصف کرمانی کی ایما پر درج کیا گیا کیونکہ کہ اس کو شک ہے کہ وہ بعض معاملات میں آصف کرمانی کے رستے میں رکاوٹ بنے ہیں۔

موضوعات:آئی جی آزادکشمیر آصف کرمانی راجہ فاروق حیدر سیاسی مداخلت مریم نوازشریف مسلم لیگ ن معاون خصوصی نوازشریف