لاہور (مانیٹرنگ ڈیسک) ایڈیشنل سیشن جج نے نامور گلوکارہ نور جہاں مرحومہ کے پوتے ملزم امام رضوی کی چوری کے مقدمہ میں دائرعبوری ضمانت منظورکرلی ہے۔ ملزم کے خلاف تھانہ سٹی رائیونڈ میں چوری کامقدمہ درج کیاگیاہے۔بتایاگیاہے کہ سٹی رائیونڈکی رہائشی خاتون نے گھرمیں ہونے والی چوری کی واردات میں اپنی بیٹی کو نامزد کیا تھا بعدازاں اس نے نورجہاں کے پوتے امام رضوی کو بھی مقدمہ میں نامزد کروا دیا مقدمہ میں نامزدہونے پر ملزم نے گزشتہ روزعدالت میں اپنی درخواست ضمانت دائر کرتے ہوئے موقف اختیارکیاکہ وہ بے گناہ ہے اسے جھوٹے مقدمہ میں ملوث کیاگیاہے اسے بے گناہی ثابت کرنے کاموقع فراہم کیاجائے عدالت نے عبوری درخواست ضمانت منظورکرتے ہوئے اسے شامل تفتیش ہونے کا کہا اور پولیس سے ریکارڈ طلب کر لیا ہے۔

موضوعات:امام رضوی نور جہاں