اسلام آباد(مانیٹرنگ ڈیسک)پاکستان کرکٹ ٹیم کے سابق مایہ ناز کھلاڑی سعید انور اس وقت دعوت تبلیغ کے سلسلے میں چترال میں موجود ہیں۔ تفصیلات کے مطابق پی آئی اے کے طیارہ پی کے 661 کے حادثے کے بعد سعید انور غمگین ہیں اور زارو قطار روتے رہتے ہیں ۔
نجی اخبار کے مطابق انہیں مسجد میں نمازیوں نے جب طیارہ حادثے کے بارے میں بتایا تو مسجد سے باہر آئے اور کہا کہ میرا دل ڈوبا جا رہا ہے ۔ جب انہیں آدھے گھنٹے بعد حادثے کی اطلا ع ملی تو وہ زارو قطار رونا شروع ہو گئے ۔ سعید انور طیارہ حادثے میں جاں بحق ہونے والے معروف نعت خواں جنید جمشید کے ہمراہ تبلیغی جماعت کے ساتھ چترال میں تشکیل کے فرائض انجام دے رہے تھے۔نجی اخبار کے مطابق سعید انور کو جنید جمشید نے اپنے ساتھ اسلام آباد جانے کو کہا تھا مگر وہ وہاں مصروفیات کی وجہ سے رک گئے۔ جبکہ سعید انورنے کسی بھی میڈیا کے نمائندے کے ساتھ تصویر بنانے اور انٹرویو دینے سے انکارکیا ہے ۔
