اسلام آباد(مانیٹرنگ ڈیسک) ایک نجی ٹی وی پروگرام میں گفتگو کرتے ہوئے اینکر پرسن وسیم بادامی نے کہا ہے کہ اب جنید جمشید دنیا میں نہیں رہے تو میں ان کی زندگی کے ایک ایسے راز سے پردہ اٹھا رہا ہوں کہ وہ اپنی زندگی میں کیا خاص کام کرنا چاہتے تھے۔
وسیم بادامی نے کہا کہ جنید جمشید ایک ایسا کام کرنا چاہتے تھے جس کے بارے میں وہ اکثر مجھ سے بات کرتے تھے۔ میں نے آف دی ریکارڈ ہمیشہ ان کے مخالف مکتبہ فکر سے بھی ان کیلئے اچھی باتیں سنی ہیں۔
جنید جمشید اکثر کہا کرتے تھے کہ میں پاکستان میں ایسا ماحول پیدا کرنا چاہتا ہوں کہ کسی بھی مکتب فکر کے لوگ اگر غلط بات کریں تو ان کیخلاف آواز اٹھانے والے اسی مکتب فکر کے لوگ ہوں۔
انہوں نے مجھے ایک بار زور دے کر کہا تھا کہ وسیم رمضان ٹرانسمیشن اور دیگر معاملات بڑے اچھے طریقے سے ہو گئے ہیں ، اب اس سے آگے کا ایک کام کرنا ہے اور وہ یہ ہے کہ اللہ کے نبی ﷺ کی امت میں جوڑ پیدا کرنا ہے۔
تاکہ ہم قیامت کے روز سرخرو ہو سکیں کہ ہم نے اللہ کی امت میں جوڑ پیدا کرنے کی خواہش کی ۔ اس سلسلے میں وہ ایک مجلس عزا میں جانے کے خواہشمند بھی تھے۔

موضوعات:جنید جمشید وسیم بادامی