اسلام آباد (آئی این پی) تحریک انصاف کے مرکزی رہنما نعیم الحق نے کہا ہے کہ الزامات کو جھوٹا ثابت کرنا نواز شریف کا کام ہے‘ عدالت نے مسلسل استفسار کیا‘ سلمان بٹ جواب نہیں دے پائے، ہم سمجھتے ہیں یہ قوم کے سامنے بے نقاب ہوچکے ہیں‘ قوم کو جس فیصلے کا انتظار ہے وہ جلد آئے گا۔ وہ بدھ کو سپریم کورٹ کے باہر میڈیا سے گفتگو کررہے تھے۔ انہوں نے کہا کہ عدالت کا فیصلہ کرپشن کے تابوت میں آخری کیل ثابت ہوگا۔ فواد چوہدری نے اس موقع پر کہا سلمان بٹ کا موقف ہے کہ قوم اور عدالت کو بتانے کے لئے کچھ نہیں اس دور میں پرچی پر کاروبار ہوتا تھا مریم اور حسین کے درمیان ڈیڈ کا بھی ریکارڈ نہیں۔ فواد چوہدری نے کہا کہ تینوں سوال پر جواب آیا کہ میں نہ جانوں ابا جی نے کہا ہے۔ (ن غ)