اسلام آباد (این این آئی) ممتاز نعت خواں جنید جمشید کے قریبی دوست نے انکشاف کیا ہے کہ انہوں نے چترال میں آخری خطاب موت اور آخرت کے موضوع پر کیا تھا۔جنید جمشید کے قریبی دوست سلمان رفیق ،جنید جمشید کا تذکرہ کرتے ہوئے خود پر قابو نہ رکھ سکے اور آبدیدہ ہوگئے۔
انہوں نے بتایا کہ جنید جمشید میرے دوست اور کلاس فیلو تھے ٗوہ چترال جانے سے پہلے میرے ساتھ تھے ٗجنید جمشید کی زندگی نوجوانوں کیلئے مشعل راہ ہے ، وہ انتہائی ہمدرد انسان تھے اور ان کا اس دنیا سے جانا پاکستان کا نقصان ہے۔انہوں نے بتایا کہ جنید جمشید نے چترال میں 10 دن تبلیغ دین کا کام کیا اور وہاں سے روانگی سے قبل انہوں نے چترال میں آخری خطاب کیا جس میں انہوں نے موت اور آخرت کے موضوع پر بات کی تھی۔‎

موضوعات:جنید جمشید جاں بحق جنید جمشید کا آخری خطاب