اسلام آباد (مانیٹرنگ ڈیسک) تازہ ترین میڈیا رپورٹس کے مطابق پی آئی کا جہاز گر کر تباہ ہو گیا ہے ۔ حویلیاں کے قریب مجاب میں جہاز گرنے کی اطلاع موصول ہوئی ہے جبکہ عینی شاہدین کےمطابق اچانک طیارے کے انجن میں آگ بھڑک اٹھی اور جہاز نیچے گرنے لگا ۔
ذرائع بتا رہے ہیں کہ اس طیارے میں جنید جمشیداپنے خاندان کے ساتھ چترال تبلیغی دورے پر گئے ہوئے تھے اور انہوںنے اسی طیارے سےاسلام آباد واپس آناتھا جو کہ حادثے کا شکا ر ہو گیا ۔جنید جمشید کے بھا ئی نے اس بات کی تصدیق کر دی ہے کہ جنید جمشید اور ان کی فیملی ، ان کی اہلیہ، بھابھی اور سسر اسی طیارے میں سوار تھے ۔ مقامی تبلیغی رہنما محمد ایوب کے مطابق جنید جمشید اپنی تبلیغی دورے کے دوران مسجد میں رہے جبکہ ان کی اہلیہ ان کے گھر ٹھہریں۔
