لاہور ( این این آئی) سابق چیف آف پاکستان و پاکستان جسٹس اینڈ ڈیمو کریٹک پارٹی کے سربراہ جسٹس (ر) افتخار محمد چوہدری نے کہا ہے کہ پانامہ کیس میں قطری شہزادے کے خط کی کوئی اہمیت نہیں،کیس کے لئے کمیشن بنانا ضروری نظرنہیں آ رہا،عدالت خود بھی اس کیس کا فیصلہ کرسکتی ہے۔ان خیالات کا اظہار انہوں نے نجی ٹی وی سے گفتگو کرتے ہوئے کیا ۔

افتخارمحمد چوہدری نے کہا کہ چیف جسٹس انورظہیرجمالی کی ریٹائرمنٹ میں ابھی وقت ہے،چیف جسٹس 30دسمبر تک مسند پررہ کر فیصلے کرتے رہیں گے۔انہوں نے کہا کہ پاناما کیس کیلئے کمیشن بنانا ضروری نظرنہیں آ رہا،عدالت خود بھی اس کیس کا فیصلہ کرسکتی ہے۔ایک سوال کے جواب میں انہوں نے کہا کہ پانامہ کیس میں قطری شہزادے کے خط کی کوئی اہمیت نہیں ہے ۔

واضح رہے کہ پانامہ معاملے میں شریف فیملی کے حق میں قطری شہزادے کا خط نہایت اہمیت کا حامل تھا جس کے ناکارہ ثابت ہونے پر اس کیس میں شریف خاندان پر مشکل وقت بھی آسکتا ہے جس سے تحریک انصاف کیلئے خوش آئند ہو سکتا ہے ۔