کراچی (این این آئی) مالی بحران،پی آئی اے کے فیصلے نے کھلبلی مچادی،قومی ایئرلائن (پی آئی اے) نے مالی بحران کے باعث کپتانوں کی تنخواہ نصف کردی ہے۔ نصف تنخواہ دینے پر پالپا نے ہنگامی اجلاس بلالیا۔ پالپا کے صدر کیپٹن خالد حمزہ کی صدارت میں اجلاس میں تنخواہوں کی کٹوتی پر شدید تشویش کا اظہار کیا گیا۔ اجلاس میں فیصلہ کیا گیا کہ پی آئی اے انتظامیہ کا رویہ اسی طرح رہا تو پی آئی اے کا کوئی بھی کپتان اضافی ڈیوٹی نہیں کرے گا۔پی آئی اے انتظامیہ کو آگاہ کردیاگیا ہے کہ تنخوہوں کی پوری تنخواہ ادا کی جائے۔کٹوتی کا سلسلہ بند کیا جائے ورنہ اہم فیصلے کرنے پر مجبور ہوں گے۔