پشاور(مانیٹرنگ ڈیسک) خیبرپختونخواحکومت نے قطری شہزادے کوصوبے میں شکارکرنے کی اجازت دینے سے ا نکارکردیاہے ۔ایک نجی ٹی وی کے مطابق خیبرپختونخواحکومت نے قطری شہزادے کوصوبے میں چکورکاشکارکرنے کی اجازت دینے سے انکارکردیاہے ۔
صوبائی وزیرماحولیات نے اس بارے میں کہاکہ خیبرپختونخوامیں چکورکے شکارپرپابندی ہے اورقطری شہزاد ے کوشکارکرنے کی اجازت نہیں دیں گے ۔انہوں نے کہاکہ پابندی کاقانون سب کے لئے برابرہے ۔صوبائی وزیرماحولیات نے کہاکہ اگرقطری شہزادے نے بغیراجازت شکارکیاتواس کوجرمانہ کردیاجائے گا۔انہوں نے بتایاکہ اس سے قبل بھی ایک قطری شہزادے فرہادنے بغیراجازت چکورکاشکارکیاتھاجس پر80ہزارجرمانہ کردیاگیاتھا۔
