اسلام آباد (مانیٹرنگ ڈیسک)نجی نیوز چینل کی اینکر عظمیٰ خان پر موٹر سائیکل سوار دو افرادنے حملہ کیا ہے۔تفصیلات کے مطابق نجی نیوز چینل کی اینکر پرسن عظمیٰ خان لاہور سے قصور جارہی تھی کہ دو موٹر سائیکل سواروں نے ان پر فائرنگ کر دی جس کی وجہ سے سے وہ گاڑی کو قابو میں نہیں رکھ سکیں اور گاڑی سڑک سے اتر کر ایک درخت سے جا ٹکرائی جس سے وہ شدید زخمی ہوئیں ہیں۔
امدادی ٹیموں نے جائے وقوع پر پہنچ کر انہیں ابتدائی طبی امداد فراہم کیں ہیں اور انہیں ہسپتال منتقل کر دیا ہے۔ یاد رہے کہ اس سے قبل اسٹیج اداکارہ قسمت بیگ کو بھی موٹر سائیکل سواروں نے گولیا ں مار کر قتل کر دیا تھا ۔ واضح رہے کہ قسمت بیگ کے قتل کی تحقیقات مکمل ہو چکی ہیں جن کے مطابق قسمت کے قتل کی وجہ فیصل آباد کے ڈرامے میں شرکت نہ کرنا تھی ۔
یادش بخیر کہ قسمت کے قتل کے بعد ایک فوک آرٹسٹ درویش خان کو بھی گولیاں مار کر قتل کیا گیا تھا جس کے بعد اداکاروں نے عدالت سے ان کی سیکیورٹی کی درخواست کی تھی ۔‎

موضوعات:عظمی خان