پشاور(این ا ین آئی)بحریہ دسترخوان نے پشاور کے لیڈی ریڈنگ کے ہسپتال میں مفت کھانا فراہم کرنے کاآغاز کردیاہے،پشاور کے سب سے بڑے تدریسی اسپتال لیڈی ریڈنگ میں بحریہ کے دسترخوان کا افتتاح کردیاگیا۔ لیڈی ریڈنگ ہسپتال میں بحریہ دسترخوان کی جانب سے ہسپتال میں زیر علاج مریضوں اور انکے اٹینڈنٹ کو دو وقت کا کھانا مفت فراہم کیا جائے گا۔ہیڈآف ریلیف آپریشن بحریہ ٹاؤن برگیڈئیر(ر)طاہر بٹ نے بتایا کہ مریضوں اورتیمارداروں کو دوپہراورشام کو مفت کھانادیاجائے گا۔

مقررہ اوقات میں ہر کوئی دسترخوان سے کھاناکھاسکے گا۔ شہریوں نے مریضوں اور تیمارداروں کو مفت کھانے کی فراہمی کے اقدام کو سراہتے ہوئے کہا کہ اس سے دور دراز سے آئے ہوئے مریضوں اور انکے رشتہ داروں کو سہولت ملے گی۔