اسلام آباد(مانیٹرنگ ڈیسک) اداکارہ قسمت بیگ کے قتل کے چار ملزم گرفتار کر لئے گئے۔ پولیس ذرائع کے مطابق ملزموں کو فیصل آباد اور گوجرانوالہ سے گرفتار کیا گیا ہے۔ گرفتار ملزمان میں رانا فہیم، رانا مزمل ، رانا تجمل اور شاہد جنجوعہ شامل ہیں۔
ایک نجی ٹی وی رپورٹ کے مطابق سی آئی اے پولیس نے 4 ملزمان گرفتار کر لئے ہیں، سی آئی اے پولیس کے مطابق رانا مزمل نامی شخص کی گزشتہ 6 سال سے اداکارہ قسمت بیگ کے ساتھ دوستی تھی۔
رانا مزمل کے ساتھ رانا فہیم، رانا تجمل اور شاہد جنجوعہ اس کے ساتھ کام کرتے تھے اور انہیں بطور شوٹر استعمال کیا گیا ہے۔ رانا فہیم گزشتہ ایک سال سے قسمت بیگ سے یہ مطالبہ کر رہا تھا کہ وہ فیصل آباد آکر ڈرامہ کرے لیکن قسمت بیگ مسلسل انکار کرتی رہی ۔ جب قسمت بیگ نے ان کی بات نہ مانی تو رانا مزمل نے انہیں حکم دیا کہ وہ قسمت بیگ کو قتل کر دیں۔

موضوعات:قسمت بیگ قسمت بیگ کا قتل