اسلام آباد (مانیٹرنگ ڈیسک) میئر کراچی وسیم اختر نے ایک بار پھر سندھ حکومت پر تنقید کرتے ہوئے کہا ہے کہ کیا وہ پلاسٹک سرجری کروا کر چینی بن جائیں تب کام کرنے دیا جائے گا؟۔ میئر کراچی پاکستان تحریک انصاف کے رہنماؤں سے ملاقات کے لئے انصاف ہاؤس کراچی پہنچے۔ انہوں نے پی ٹی آئی رہنماؤں سے شہر کی حالت سنوارنے پر مشاورت کی۔ وسیم اختر نے سندھ حکومت پر تنقید کرتے ہوئے کہا کہ کیا وہ بھی پلاسٹک سرجری کروا کر چینی بن جائیں تب کام کرنے کا موقع دیا جائے گا؟۔
تحریک انصاف کے رہنماؤں نے وسیم اختر کو مکمل تعاون کی یقین دہانی کرائی۔ انہوں نے شہر میں 100 روزہ صفائی مہم پر کہا کہ 100 دن میں بہتری نظر نہ آئی تو سب جانتے ہیں کہ ہم دھرنا سپیشلسٹ بھی ہیں۔میئر کراچی نے ایک بار پھر وزیر اعظم سے کراچی کے لئے پیکیج مانگ لیا۔واضح رہے کہ کراچی کا کوڑا کرکٹ ہٹانے کیلئے ایک چینی کمپنی سے رابطہ کیا گیا ہے ۔