خیرپور(آن لائن)خیرپورکے علاقے ٹھری میرواہ لنک روڈ پر مسافر بس اور کار میں خوفناک تصادم کے نتیجے میں 4افراد جاں بحق اور 10افراد شدیدزخمی ہو گئے ، دو زخمیوں کی حالت تشویشناک ہے،لاشوں اور زخمیوں کو سول ہسپتال خیرپور پہنچا دیا گیا ۔تفصیلات کے مطابق خیرپور کے علاقے ٹھری میر واہ کے قریب اولڈ قومی شاہراہ پر سکھر سے کراچی جانے والی مسافر بس تیز رفتاری کے باعث کار کے اوپر چڑھ دوڑی جس کے نتیجے میں کار میں سوار چار افراد موقع پر ہی جاں بحق ہو گئے
جبکہ بس میں سوار 10 مسافر شدید زخمی ہوئے۔حادثے کے فوری بعد امدادی ٹیمیں اور پولیس جائے وقوعہ پر پہنچ گئیں جنہوں نے لاشوں اور زخمیوں کو فوری طور پر سول ہسپتال خیرپور پہنچایا ، جہاں زخمیوں کو طبی امداد دی جارہی ہے۔ زخمیوں میں بچے اور خواتین بھی شامل ہیں۔پولیس نے بس ڈرائیور کیخلاف مقدمہ درج کرلیا ہے تاہم ابھی تک گرفتاری عمل میں نہیں آسکی۔