کراچی(مانیٹرنگ ڈیسک) قومی اسمبلی کے کراچی میں حلقہ این اے 258کے ضمنی انتخابات کے غیرسرکاری وغیرحتمی نتائج کااعلان ہوگیا۔ایک نجی ٹی وی کے مطابق غیرسرکاری وغیرحتمی نتائج کے مطابق پاکستان پیپلزپارٹی کے امیدوارعبدالحکیم بلوچ 80ہزار292ووٹ لے کرکامیاب ہوگئے ۔

نتائج کے مطابق پیپلزپارٹی کے عبدالحکیم بلوچ 80 ہزار 292 ووٹ لیکر کامیاب ہوگئے ہیں،شاندار کامیابی حاصل کرنے پر وزیر اعلیٰ سندھ مراد علی شاہ نے عبدالحکیم بلوچ کو مبارکبادپیش کی ہے جبکہ ان انتخابات کاایم کیوایم نے بائیکاٹ کیاتھاجبکہ 2013کے انتخابات میں عبدالحکیم بلوچ ن لیگ کے ٹکٹ پرکامیاب ہوئے تھے اورن لیگی قیادت سے دلبرداشتہ ہوکرپیپلزپارٹی میں دوبارہ شامل ہوگئے تھے ۔