لاہور(نیوزرپورٹر) وزیر اعلیٰ پنجاب محمد شہباز شریف آج وفاقی وزیر پانی و بجلی خواجہ محمد آصف کی رہائش گاہ ڈیفنس گئے اور وفاقی وزیر خواجہ محمد آصف سے ان کے بھانجے کے انتقال پر دکھ اور افسوس کا اظہار کیا۔
وزیراعلیٰ نے غمزدہ خاندان سے ہمدردی اور تعزیت کا اظہار کرنے کے بعد مرحوم کی روح کے ایصال ثواب کیلئے فاتحہ خوانی بھی کی۔وزیراعلیٰ نے دعا کی کہ اللہ تعالیٰ مرحوم کی روح کو جوار رحمت میں جگہ دے اور سوگوار خاندان کو صبر جمیل عطا فرمائے۔
